May 18, 2012

• 儘管你也可叫我港女，我無所謂，我真的希望可以成為港女

  但是否港女根本無關痛癢，我想說的是：

  1) 食飯可以唔好再影相然後share? 影人還可接受，diu食個ben & jerry’s 雪糕又影，一杯starbucks又影，仲要幾廿張食物相整到成張menu咁，我只係香港人的facebook見過，外國人真係無見過影出街食既野，到底有乜好影？

  2）個個講兩句就當政治表態，share報紙頭版，都做得頭版，駛撚你share咩？

  3）絕對高登化，高登OK，但唔好吓吓都唔用腦好無，高登真係有小學生中學生，你無大學都大學以上，思考吓好無？

  4）超多錯字，先唔好講標點，勁多字係錯既，大家都like撚左先算，想點？有個內地朋友，佢用寫字由簡轉繁再post（其志可加），但寫左140字出現左3至4次「東湧」，約有十多個人like，卻無人同糾正佢個地方係叫「東涌」，我好奇為什麼大家都視而不見？我當然做衰人，問是否東涌而不是東湧，她說她知道但簡轉繁沒有「涌」字。我有點無奈，她是位詩人，也是編輯，只為了急於post facebook而明知「東湧」是錯的，也還是要post，我想我真的會不好意思把一個地名寫錯而因為改不了而照post，這是特別的，因為她是編輯。當然，我可能是對他要求特別高。

  5）tag地方，報告行蹤真的好玩嗎？我也不好意思叫人不tag，只是我會un tag，有些朋友都已經是文化人的說。

  6）還有，就是叫我唔好諗咁多野既人，我可以原諒你的淺白同簡單（看我多正面，diu），為什麼你要干預我的思想呢？老土D講，我可以比你俗氣，飲酒可以多過你，去得可以盡過你，只不過係你乜話題都好快見底，說服唔到自己更莫論說服到我（無錯，然後你又會自以為理性話：我無諗往說服你，大家傾吓計）。

  7）唔好用自己既常識同邏輯黎說服我，或其他有不幸遭遇既人，沒有人想自己不快樂，但唔等於佢唔想開心，但亦唔等於你自己開心，或世人開心個套可以令佢積極D同正面D；聆聽同行動或者幫到佢，但其實每個人都清楚／或大概知道「病」來自何時何事，只不過佢唔想去面對，或無法面對。外人為什麼認為事情一定有轉機？然後迫人接受自己的世界觀呢？而且道理同邏輯，你也還是說不過我呀？有時我唔想講，唔等於我認同你，我只係專重你既發言權。

  8）仲有一種是「偽」環保人士或佛徒，我想他們只是未領悟什麼是佛教甚或宗教，常常在share一些似是而非的信念同念經，唉。神學也是嚴謹學問，講求科學，難道你要像迷信般信神？那也是神話學，請用心去宣揚，而唔係好似假教徒咁十誡都犯齊。pls dun consume religion, ok? do you have faith? 對住偽教徒我寧可應付偽中產。

   

  上面全無針對個別人士，因為唔好彩地，佢地9成係我朋友，1000個人當中，大概有200個沒有上述問題，可惜呢200個差不多無個係真實世界曾見面既朋友。

  若果有一個半個，或近800個朋友以為我話你，請不要take it personal。

  當然我也不是純發洩，歡迎討論或留言（實無架啦）

  我可以接受你無知，但請不要阻撓我。

   

  你可以同我講下音樂、生物、物理、歐豬、法國，請用內容同嚴謹來說服我，我一樣有大量喜歡既人事物，為什麼不讓我增進知識，而是要我「唔好諗咁多」或「唔好問咁多」呢？

   

  • 9:05 am
  • 2 Comments